「咁又系。」流主笑说，然後便慢慢下车走向那个西装男人

        流主四周观察了一下，才发现他们的四面八方都早已布满了对方的人．．．看来即使孖根她们想逃，也不容易．．．

        「幸会．．．鼎鼎大名嘅流主。」男人虽然一脸亲切笑容，但他明显是那种笑里藏刀的人

        「．．．你系边个？做咩截住我地？」流主的语气不太友善

        「唔使咁紧张喎，我地只系嚟搵你倾下生意咁啫。」男人客气续说：「小姓汪，系UltimateUnit嘅老板，你可以直接叫我汪，我好怕太过客套虚伪嘅说话。」

        「你地唔系一直追杀紧我地嘅咩？宜家无端端又倾咩生意？」流主问

        「老实唔呃你，我地UltimateUnit接到一单大生意，可惜我地评估过，依个任务风险实在太高，单凭我啲手下，分分钟要蚀返b佢。」汪说

        「咁关我地咩事？．．．既然个任务系咁危险，咪唔好接罗。」流主说

        「做生意，最忌太过短视。」汪掏出一口香烟递向流主说：「你知唔知肥彭集团？」

        流主举起手掌谢绝汪的香烟说：「未听过．．．」

        汪点起香烟说：「肥彭集团系废土上最大规模嘅商队，佢地啲车上面全部都印住FAT-P依个字。我地UltimateUnit都经常做佢地保镳。」

        「．．．咁又点？」流主问

        汪说：「佢地近排喺西北边睇中左块连接新界来往通道嘅地，想喺嗰度加设一个据点，将行商路线延伸到新界。」

        「．．．咁又有咩问题？」流主问

        内容未完，下一页继续阅读